ការដ្ឋានសាងសង់ស្ពានទៅកាន់កោះពស់ត្រូវបានបើកសំភោធ
កាលពីព្រឹកថ្ងៃទី០៧ ខែមិថុនា ឆ្នាំ២០០៨ សម្តេចអគ្គមហាសេនាបតីយតេជោហ៊ុន សែនបានអញ្ញើញមកកាន់ ក្រុងព្រះសីហនុដើម្បីបើកសំភោធការដ្ឋានសាងសង់ស្ពានទៅកាន់កោះពស់។ ដែលស្ពាននោះត្រូវបានគេកសាងឡើងក្នុងកំពស់៣២,៥ម៉ែត្រពីទឹក មានប្រវែង៩០០ម៉ែត្រ ទទឹង១២ម៉ែត្រ ដែលក្នុងនោះផ្លូវសំរាប់យានយន្តទទឹង៨ម៉ែត្រនិងផ្លូវសំរាប់អ្នកថ្មើរជើងនឹងត្រីចក្រយានយន្តទទឹង៤ម៉ែត្រ ដោយស្ពាននោះចំណាយទឹកប្រាក់អស់ ៣០០លានអ៊ឺរ៉ូ ហើយម្យាងទៀត ស្ពាននេះមានលក្ខណពិសេសត្រង់ថានៅផ្នែកកណ្តាលខាងក្រោមរបស់ស្ពានត្រូវបានគេធ្វើចន្លោះចំងាយ២០០ម៉ែត្រដើម្បីអោយកប្ប៉ាលបើកបរ។

លោកសម រង្សីបានស្នើអោយដោះលែងលោកដាំសិទ្ធ

កាលពីថ្ងៃទី១១ ខែមិថុនា ឆ្នាំ២០០៨ លោកសម រង្សីដែលជាប្រធាន គណបក្សប្រឆាំងដ៏ធំបំផុត​នៅប្រទេស​កម្ពុជាបាន ស្នើសុំអោយ​ដោះលែង​លោកដាំសិទ្ធដែលជាចាងហ្វាង​កាសែត​មនសិកា។ លោកបាន​និយាយថា​លោក​​សុខចិត្តជាប់គុកជំនួសលោក ដាំ​ សិទ្ធ ព្រោះអ្វីដែលលោកដាំសិទ្ធ​សរសេរ​​នៅលើទំព័រកាសែតគឺ គ្រាន់តែ​សរសេរតាមអ្វីដែលលោកបាន​និយាយ​​តែប៉ុណ្ណោះ ប្រសិនបើចង់ចាប់ខ្លួន​គួរតែចាប់លោកវិញ។​លោកបាន​និយាយទៀតថាលោកដាំ សិទ្ធនឹងបាន​ចេញក្នុងពេលដ៏ខ្លីខាងមុខ។

ចាងហ្វាងកាសែតមនសិការខ្មែរត្រូវបានឃាត់ខ្លួន

លោកដាំ​ សិទ្ធដែលត្រូវជាចាងហ្វាងកាសែតមនសិការខ្មែរត្រូវបាន​ឃាត់ខ្លួនកាលពីថ្ងៃទី០៨ ខែមិថុនា ឆ្នាំ២០០៨នៅកន្លែងលាងឡានមួយ​កន្លែងក្នុងរាជធានីភ្នំពេញ​ ក្នុងបទចុះផ្សាយនៅរឿងមិនពិត និងបរិហាកេត្តិ៍​ទៅលើលោកឯកឧត្តមហ៊ោ​ ណាំហ៊ុង។ ក៏ប៉ុន្តែការចេញដីការចាប់ខ្លួននេះ​មានមនុស្សមួយចំនួនបាននិយាយថា វា​មិនត្រឹមត្រូវទៅនឹងច្បាប់រដ្ឋបាល​នោះទេព្រោះវាត្រូវនឹងថ្ងៃអាទិត្រដែលជា​ថ្ងៃឈប់សំរាក។